Gracias as xestións realizadas dende o grupo do Partido Popular local
A CONSELLERÍA DE CULTURA E TURISMO DESTINA 30.000 EUROS PARA A SEMANA INTERNACIONAL DA MÚSICA DE SALCEDA DE CASELAS
• Santiago Rodríguez Davila propuxo e, finalmente, conseguiu que o grupo folk Luar na lubre actúe na vila
Salceda de Caselas, 3 de xullo de 2010.- No seu obxectivo de traballar por e para Salceda de Caselas no beneficio de todos os veciños do municipio, o grupo municipal do Partido Popular mediou ante a Consellería de Cultura e Turismo da Xunta de Galicia para conseguir a maior achega posible destinada á celebración da Semana Internacional da Música de Salceda de Caselas. Deste xeito, despois das diferentes negociacións e xuntaza co propio conselleiro, Roberto Varela, o PP local logrou que o ente autonómico destinase para este evento unha subvención de 30.000 euros que, “de seguro, suporá unha inxección de calidade na programación desta semana tan ansiada por todos os salcedenses e visitantes amigos da música”, explica Santiago Rodríguez Davila, presidente do PP local.
A maiores, por iniciativa e xestión do propio Rodríguez Davila, o afamado grupo de folk Luar na lubre tamén participará desa semana, do 3 ao 7 de agosto, ofrecendo por primeira vez unha actuación na vila de Salceda de Caselas.
No hay comentarios:
Publicar un comentario